Zbuloni

Thyesë njësi është thyesa që ka numëruesin 1, për shembull $\frac{1}{2}$, $\frac{1}{6}$, $\frac{1}{13}$. Egiptianët e lashtë nuk i shkruanin thyesat me numërues më të madh se 1. Ata i shkruanin këto thyesa si shuma e dy ose më shumë thyesave të ndryshme njësi. Për shembull, ata nuk shkruanin $\frac{2}{3}$. Në vend të saj ata shkruanin $\frac{1}{2} + \frac{1}{6}$ (Ata nuk e shkruanin si $\frac{1}{3} + \frac{1}{3}$ sepse përmbante dy thyesa njësi të njëjta.) Shqyrtoni thyesa të ndryshme, të cilat nuk janë thyesa njësi. A mund të shkruhen të gjitha thyesat, që nuk janë thyesa njësi, si shumë thyesash të ndryshme njësi?