Ky nxënës ka tentuar të përdorë metodën e vërtetimit me supozim nga e kundërta për të treguar se nuk ekziston numri racional pozitiv më i vogël:

Supozim: Ekziston numri racional pozitiv më i vogël.

Le të jetë $n$ ky numër racional pozitiv më i vogël.

Meqenëse $n$ është racional, atëherë $n = \frac{a}{b}$, ku $a$ është numër natyror dhe $b$ numër i plotë.

Meqenëse $a$ dhe $b$ janë të plotë, atëherë $\frac{a - b}{b}$ është një numër racional i tillë që është më i vogël se $n$.

Kjo kundërshton pohimin se $n$ është numri racional pozitiv më i vogël.

Rrjedhimisht, nuk ekziston numri racional pozitiv më i vogël.

a) Gjej gabimin në vërtetimin e nxënësit.

b) Vërteto me metodën e supozimit nga e kundërta se nuk ekziston numri racional pozitiv më i vogël.