2 a) Cilët nga nxënësit e klasës flasin më shumë se një gjuhë të huaj? b) Cilët nga nxënësit e klasës merren me pikturë? Le t'i përfytyrojmë të gjithë nxënësit që flasin më shumë se një gjuhë të huaj si një grup. Po nxënësit që merren me pikturë? Edhe ata formojnë një grup. Në matematikë, këto grupe nuk i quajmë thjesht "grupe", por bashkësi. Për shembull, me filmat më të bukur nuk mund të formojmë një bashkësi. Po me nxënësit e klasës së 10-A, a mund të formojmë një bashkësi? Bashkësia, zakonisht, shënohet me shkronjat e mëdha të alfabetit A, B, C, D etj. Çdo element i bashkësisë shkruhet vetëm një herë.