a) i) Shkruaj gjatësinë $a$, dhe gjerësinë $b$, të drejtkëndëshave të ndryshëm me syprinë, $S$, $24\text{ cm}^2$.

ii) A është $a$ në përpjesëtim të drejtë apo të zhdrejtë me $b$?

iii) Vizato një sistem boshtesh koordinative me $a$ në boshtin horizontal dhe $b$ në boshtin vertikal. Vizato një grafik që jep varësinë e vlerave të gjatësisë $a$ dhe të gjerësisë $b$ të drejtkëndëshit me syprinë $24\text{ cm}^2$.

b) i) Shkruaj syprinat, $S$, dhe gjatësitë, $a$, për drejtkëndësha të ndryshëm me gjerësi $5\text{ cm}$.

ii) A është syprina $S$ në përpjesëtim të drejtë apo të zhdrejtë me gjatësinë $a$?

iii) Vizato një sistem boshtesh koordinative me $S$ në boshtin vertikal dhe $a$ në boshtin horizontal. Vizato një grafik të syprinave dhe gjatësive të mundshme të një drejtkëndëshi me gjerësi $5\text{ cm}$.