Mësuesi mori një copë akulli dhe e vendosi në një gotë kimike, ku e la për 20 minuta. Më pas, me anë të një llambe me alkool, ai e nxehu përmbajtjen e gotës derisa filluan të dilnin flluska në sipërfaqe dhe avuj në mjedis. Nënvizoni përgjigjet e sakta në shprehjet e mëposhtme.

a) Grimcat në copën e akullit janë të vendosura në mënyrë të rregullt / të çrregullt.

b) Lëvizja që bëjnë grimcat te copa e akullit është brauniane / luhatëse.

c) Procesi që tregon shndërrimin e ujit nga akull në lëng quhet ngrirje / shkrirje.

d) Gjendja e lëngët karakterizohet nga lëvizje më e rregullt / e çrregullt e grimcave sesa gjendja e gaztë.

e) Uji shndërrohet nga gjendja e lëngët në gaz nëpërmjet procesit të avullimit / kondensimit.

f) Kalimi i ujit nga gaz në lëng bëhet nëpërmjet procesit të kondensimit / sublimimit.