Një mësues, për të ilustruar fenomenin e difuzionit dhe të shpejtësisë së tij, kreu një eksperiment në klasë. Mori amoniak (Masa molekulare = 17) dhe acid klorhidrik (Masa molekulare = 36.5). Njomi dy copa pambuku me secilën nga këto përbërje dhe i vendosi në skajet e një tubi. Vihet re se formohet një unazë prej tymi në një pozicion të tubit. E përsëriti këtë eksperiment duke lagur një copë tjetër pambuku me acid klorhidrik dhe një tjetër me metilaminë (Masa molekulare = 31), duke e zëvendësuar, në këtë rast, amoniakun. Formohet përsëri një unazë prej tymi në një pozicion të tubit.

a. Ku do ta parashikonit pozicionin e unazës së tymit në eksperimentin e parë, po në eksperimentin e dytë? Shpjegoni përgjigjen tuaj.

b. Propozoni substanca të tjera të ngjashme me acidin klorhidrik, të cilat mund ta zëvendësojnë atë në këtë eksperiment (përdorni libra shkollorë ose internetin për të gjetur një acid tjetër që kur bashkëvepron me amoniakun formon unazën prej tymi).