Ndryshon loja në degët e Universitetit të Mjekësisë!

Janë ulur të gjitha mesataret minimale për të aplikuar në Universitetin e Mjekësisë të Tiranës. 

Çfarë do të thotë kjo?

Në vitet e kaluara, për të konkurruar (për shembull) për "Mjekësi të përgjithshme", maturantëve u duhej të siguronin një mesatare VKM (mesatarja e kombinuar e shkollës së mesme dhe e provimeve të maturës) prej 8.5. 

Me ndryshimet e bëra aktualisht, kjo mesatare është ulur në 8.0. Kjo do të thotë se të gjithë ata me mesatare VKM 8.0 e sipër mund të konkurrojnë për të fituar Mjekësinë e Përgjithshme, Farmacinë, Stomatologjinë.

Rrjedhimisht, rritet edhe konkurrenca pasi akoma më shumë maturantë mund t'i hedhin këto degë si një nga 10 preferencat e tyre. 

Mjekësia e përgjithshme është dega që do ketë konkurrencën më të lartë si edhe ndikimin më të madh nga ky ndryshim, për shkak se nuk mjafton vetëm të keni nota të larta nga gjimnazi dhe provimet e maturës, por ju duhet edhe të dilni me rezultate të larta në provimin hyrës. 

Provimi hyrës është tejet i vështirë dhe maturantët marrin zakonisht nga 40-60 pikë (nga 100 totali). Kjo i jep mundësinë të gjithë atyre që kanë mesatare të ulëta të dalin me pikë të larta dhe të fitojnë edhe kundër atyre që kanë mesatare më të larta. 

Ndikim do të kenë edhe degë të tilla si Infermieria, Mamia, etj., pasi nga 7.5 që ka qënë më parë, mesatarja minimale për të konkurruar është ulur në 7.0.

Më poshtë lista e plotë e ndryshimeve:

✅ Mjekesi e Pergjithshme - Ishte 8.5 - Behet 8.0

✅ Farmaci - Ishte 8.5 - Behet 8.0

✅ Stomatologji - Ishte 8.5 - Behet 8.0

✅ Shendet Publik - Ishte 8.0 - Behet 7.0

✅ Infermieri e Pergjithshme - Ishte 7.5 - Behet 7.0

✅ Fizioterapi - Ishte 7.5 - Behet 7.0

✅ Mami - Ishte 7.5 - Behet 7.0

✅ Teknike Imazherie - Ishte 7.5 - Behet 7.0

✅ Teknike Laboratori - Ishte 7.5 - Behet 7.0

✅ Logopedi - Ishte 7.5 - Behet 7.0

✅ Teknike Dentare - Ishte 7.0 - Behet 7.0

✅ Higjenist Dentar - Ishte 7.0 - Behet 7.0