Kategorite dhe dokumentat per te perfituar burse dhe perjashtim tarife ne universitetet publike

BURSA E EKSELENCES

1 - Studentët e vitit të parë, me notë mesatare vjetore nga 9 (nëntë) deri në 10 (dhjetë), nga sistemi i arsimit të mesëm të lartë

Lista e studentëve të vitit të parë që plotësojnë kriterin e notës mesatare hartohet nga QSHA, kesisoj studentët e kësaj kategorie përfitimi do te dorezojne numrin e llogarise bankare dhe fotokopje te kartes ID.

2 - Studentët e vitit të dytë dhe të tretë, me notë mesatare vjetore të ponderuar nga 9 (nëntë) deri në 10 (dhjetë) të vitit paraardhës akademik, të përllogaritur me kreditet dhe notat e atij vitit akademik, nga institucionet publike të arsimit të lartë. Studentët duhet të kenë shlyer të gjitha detyrimet e vitit paraardhës akademik, për të cilin llogaritet nota mesatare vjetore e ponderuar.

BURSA SOCIALE

Dokumentat që duhet të dorëzojnë studentët sipas kategorive janë si më poshtë:

a) Studentet, familjet e të cilëve trajtohen me ndihme ekonomike:

Për këtë kategori dokumentat që duhet të plotësohen janë:

1.Çertifikate familjare,

1. Vërtetim nga Njesia Administrative në lidhje me masën e ndihmës ekonomike që përfiton familja. Vërtetimi i ndihmës ekonomike duhet të ketë të shënuar numrin e dosjes dhe të jetë shënuar qartë shuma e ndihmës ekonomike (me shifra dhe me fjalë), si dhe masa e ndihmës ekonomike (e plotë ose e pjesshme). Vërtetimi duhet të jetë me numër protokolli, të jetë nënëshkruar nga përgjegjegjësi i seksionit të ndihmës ekonomike dhe kryetari i njësisë së vetëqeverisjes vendore dhe të jetë i vulosur. (Njëkohësisht në vërtetim duhet të jetë e shënuar qartë adresa e Njësisë së qeverisjes vendore që e ka lëshuar për efekt të verifikimit të mëtejshëm)
2. Fotokopje të kartës së ID të vetë studentit.
3. Formulari i kërkesë për t’u trajtuar me bursë.

b) Bashkëshortët që kanë fëmijë dhe janë të dy studentë, përfitojnë secili burse financiare:

Për këtë kategori dokumentat që duhet të plotësohen janë:

1. Formulari i kërkesë për t’u trajtuar me bursë.
2. Vërtetim studenti nga institucionet publike IAL për secilin prej tyre.
3. Çertifikatë familjare.
4. Fotokopje të kartës së ID të vetë studentit.

c) Studentët, persona me aftësi të kufizuara, të vërtetuar nga Komisioni Mjekësor i Caktimit të Aftësisë për Punë, përfitues të pagesës së aftësisë së kufizuar:

Për këtë kategori dokumentat që duhet të plotësohen janë:

1. Formulari i kërkesës për t’u trajtuar me bursë.
2. Çertifikatë familjare.
3. Fotokopje e kartës së identitetit;
4. Vërtetim origjinal (ose kopje e noterizuar) të lëshuar nga KMCAP (Komisioni Mjekësor i Caktimit të Aftësisë për Punë) për studentin me aftësi të kufizuar;
5. Vërtetimi për pagesën e aftësisë së kufizuar të lëshuar nga zyrat përkatëse (nga Instituti i Sigurimeve Shoqërore apo nga zyrat e ndihmes ekonomike në Bashki)

ç) Studentët që i kanë të dy prindërit me aftësi të kufizuara, të vërtetuar me vendim të Komisionit Mjekësor të Caktimit të Aftësisë për Punë, përfitues të pagesës së aftësisë së kufizuar

Për këtë kategori dokumentat që duhet të plotësohen janë:

1. Formulari i kërkesë për t’u trajtuar me bursë.
2. Kopje origjinale ose e noterizuar e Vërtetimit të KMCAP-së ( Komsionit të caktimit të aftësisë për punë) për të dy prindërit me aftësi të kufizuar ( invalid pune, invalid paraplegjik, invalid tetraplegjik).
3. Vërtetim origjinal të institutit të sigurimeve shoqërore për pagesën e pensionit të invaliditetit ose nga Njesia administrative vërtetimin e pagësë së paaftësisë për punë( për të dy prindërit)
4. Çertifikatë Familjare që vërteton lidhjen e studentit me invalidin e punës/ invalidin paraplegjik ose tetraplegjik;
5. Fotokopje të kartës së ID të vetë studentit.

d/1) Studentët që i kanë të dy prindërit pensionistë

1. Formulari i kërkesë për t’u trajtuar me bursë.
2. Çertifikatë Familjare.
3. Fotokopje të kartës së ID të vetë studentit
4. Vërtetim origjinal të institutit të sigurimeve shoqërore për pagesën e pensionit të pleqërisë për prindin/ të dy prindërit.

d/2) Studentët që e kanë të njërin prind pensionist dhe prindi tjetër nuk jeton

1. Formulari i kërkesë për t’u trajtuar me bursë.
2. Çertifikatë Familjare.
3. Fotokopje të kartës së ID të vetë studentit
4. Vërtetim origjinal të institutit të sigurimeve shoqërore për pagesën e pensionit të pleqërisë të prindërit që jeton;
5. Certefikatë vdekjeje për prindin që nuk jeton;

dh) Studentët, të tretët në radhën e fëmijëve e lart, të cilët vijnë nga familje me tre fëmijë e më shumë, nga të cilët dy të parët janë studentë në institucionet publike të arsimit të lartë:

Për këtë kategori dokumentat që duhet të plotësohen janë:

1. Formulari i kërkesë për t’u trajtuar me bursë.
2. Vërtetim studenti.
3. Çertifikatë Familjare.
4. Vërtetim për të dy fëmijët e parë që janë student në IAL Publike.

d) Studentët që kanë përfituar statusin e jetimit, deri në moshën 25 vjec(sipas Ligjit Nr. 8153, date 30.10.1996)

1. Çertifikatë Familjare dhe fotokopje e kartës së identitetit;
2. Certifikatën e vdekjes së dy prindërve;
3. Fotokopje e noterizuar e statusit të jetimit të përfituar nga Ministria e Mirëqënies Sociale dhe Rinisë;

e) Studentët që kanë humbur përgjegjësinë prindërore, me vendim gjykate të formës së prerë;

1. Çertefikatë Familjare
2. Fotokopje e kartës së identitetit;
3. Vendim gjykate i formës së prerë që studenti ka humbur përgjegjësinë prindërore ( nga të dy prindërit) ;

f) Studentët që janë identifikuar e trajtuar si viktima të trafikut të qenieve njerëzore dhe kanë humbur kujdesin prindëror

1. Çertefikatë Familjare dhe fotokopje e kartës së identitetit;
2. Vendim gjykate i formës së prerë që kanë humbur kujdesin prindëror;
3. Vërtetim nga Ministria e Mirëqënies Sociale ose Ministria e Brendshme që kanë përfituar statusin ligjor për trajtim si viktima të trafikut të qenieve njerëzore;

g) Studentët që rezultojnë fëmijë të punonjësve të Policisë së Shtetit, të Gardës së Republikës, të Shërbimit tëKontrollit të Brendshëm, të Policisë së Mbrojtjes nga Zjarri dhe të Shpëtimit, të Forcave të Armatosura, të Shërbimit Informativ Shtetëror dhe të Policisë së Burgjeve që kanë humbur jetën në krye dhe për shkak të detyrës.

1. Çertifikatë Familjare dhe fotokopje e kartës së identitetit;
2. Çertifikatë vdekje e prindit që ka humbur jetën në krye dhe për shkak të detyrës;
3. Vërtetim nga Ministria përkatëse;

PER PERJASHTIMIN NGA TARIFA:

Te gjithe studentet perfitues nga nje nga bursat e mesiperme, perfitojne automatikisht edhe perjashtimin nga tarifa. Kategorite e tjera qe perfitojne perjashtim tarife, jane:

Studentët romë dhe egjiptianë, të cilët do të identifikohen nëpërmjet vetëdeklarimit:

1. Fotokopje e kartës së identitetit;
2. Vërtetim anëtarësie në shoqatën përkatëse;
3. Vetëdeklarim tek noteri;

Studentët fëmijë të ish-të dënuarve dhe të përndjekurve politikë nga sistemi komunist ose fëmijë me prindër të dënuar politikë me heqje lirie;

1. Çertefikatë Familjare që vërteton lidhjen e studentit me prindin të ish-të dënuarve dhe të përndjekurve politikë nga sistemi komunist ose fëmijë me prindër të dënuar politikë me heqje lirie;
2. Vëretimi i statusit të prindit ish të përndjekur/ dënuar politik;
3. Dëshmi penaliteti për prindin ish të përndjekur politik ose vërtetim për kohën e dënimit të lëshuar nga ministria e punëve të brendshme.

Studentët, të cilët kanë, të paktën, njërin prind person me aftësi të kufizuara, të vërtetuar nga Komisioni Mjekësor i Caktimit të Aftësisë për Punë, përfitues të pagesës së aftësisë së kufizuar;".

NUK PËRFITOJNË PËRJASHTIM NGA TARIFA APO BURSË STUDENTËT QË :

1. 1. Studentët që vazhdojnë studimet në një program të dytë studimi;
   2. Studentët përsëritës;