Kalendari i aplikimit universitar 2026 – Raundi i parë

Maturantët që do të aplikojnë për studime universitare në vitin akademik 2026 duhet të ndjekin me kujdes datat kryesore të raundit të parë.

Pagesa e faturës së aplikimit kryhet nga 8 deri më 24 korrik. Pas kësaj, nga 27 korrik deri më 1 gusht, kandidatët mund të hedhin online 1 deri në 10 preferenca në portalin U-Albania.

Renditja e aplikantëve publikohet më 22 gusht, ndërsa më 24 gusht zhvillohet faza e ankimimit për kandidatët që konstatojnë gabime në pikë ose renditje.

Regjistrimi në universitete do të bëhet nga 26 gusht deri më 8 shtator, në 7 faza 48-orëshe. Kandidatët që janë regjistruar në një degë dhe duan të aplikojnë sërish në raundin e dytë mund të çregjistrohen më 9 shtator.