Çfarë është formulari A1Z? Për kë shërben ai?
Formulari A1Z është një formular që plotësohet nga cilido që ka përfunduar shkollën e mesme dhe procesin e maturës shtetërore, në një vit të caktuar para këtij aktualit.
Formulari plotësohet në mënyrë që maturantët e viteve të kaluara të kenë mundësi të konkurojnë për të studiuar në universitet këtë vit.
Si ta plotësoj formularin A1Z? Ku bëhet plotësimi dhe cilat janë hapat?
Formulari A1Z tashmë plotësohet direkt në eAlbania. Formulari plotësohet në momenitn që QSHA jep datat e reja të plotësimit. Formulari nuk mund të plotësohet në çdo kohë, por vetëm kur ka data aktive.
Pas plotësimit të formularit në eAlbania, ju duhet të shkoni pranë shkollës suaj për të konfirmuar aplikimin tuaj. Në rast se nuk mund te shkoni vetë, mund të dërgoni një familjar për ta bërë këtë gjë në vendin tuaj. Në shkollë shkohet vetëm për të konfirmuar aplikimin, pra nuk keni nevojë të bëni diçka tjetër.
Në videon më poshtë do mund të shihni hapat se si ta bëni aplikimin pranë eAlbania.
Po nëse aktualisht studioj në një degë të caktuar, a mundem ta plotësoj formularin që ta ndryshoj atë?
Për të plotësuar formularin A1Z në mënyrë që të konkuroni përsëri për universitet këtë vit, ju duhet fillimisht të çregjistroheni nga dega ku studioni aktualisht (kjo bëhet duke shkuar te sekretaria e universitetit tuaj) dhe më pas të plotësoni formularin në datat e caktuara. Kini parasysh se procesi i çregjistrimit merr kohë, pra nuk bëhet direkt. Sekretaria mund t'ju informojë më shumë për këtë.
Nëse e kam plotësuar një herë formularin A1Z, a duhet ta plotësoj sërish?
Nëse e keni plotësuar formularin për këtë vit, atëherë nuk keni nevojë ta plotësoni përsëri. Pasi e plotësoni formularin do mund të merrni edhe kopjen e tij, në këtë kopje shënohet edhe nr. i ri i maturës (nr. i këtij viti), sigurohuni që nr. i maturës fillon me numrin e këtij viti, psh. nëse jemi në vitin 2025, ID e maturës duhet të fillojë me 25. Kjo tregon që e keni plotësuar A1Z për këtë vit dhe që jeni në rregull me procedurën.
Sa hërë në vit hapet aplikimi për formularin A1Z? A do të ketë më data në vazhdim?
Zakonisht, aplikimet për formularin A1Z hapen disa hërë në vit. QSHA kujdeset që t'i japë shansin të gjithëve atyre që duan të regjistrohen në universitet. Zakonisht ka data në Janar, Mars, Maj, Qershor, Gusht, Shtator, Tetor.