GJETJET KRYESORE:
• 557 studentë morën pjesë në pyetësor
• 92.3% e studentëve nuk e kanë marrë bursën e plotë
• 59.1% (329 studentë) nuk kanë marrë ASNJË pagesë
• 98.2% e studentëve të Universitetit të Mjekësisë nuk kanë marrë asnjë pagesë
1. HYRJE
Ky raport paraqet rezultatet e një pyetësori të kryer më 30-31 Mars 2026 me studentë të universiteteve publike shqiptare lidhur me statusin e pagesave të bursave të ekselencës dhe bursave sociale. Bursa e ekselencës dhe ajo sociale vijnë në formën e një mbështetjeje financiare prej 10,000 lekë në muaj që u jepet studentëve ekselentë dhe atyre që i përkasin një kategorie sociale. Viti akademik ka nisur në tetor 2025, deri në muajin prill, studentëve duhet t’u ishin depozituar 60,000 lekë në llogaritë e tyre bankare.
Pyetësori u realizua nga PortaliStudentor.al përmes një formulari online dhe mblodhi 557 përgjigje nga studentë në të gjithë Shqipërinë. Rezultatet zbulojnë se shumica dërrmuese e studentëve nuk kanë marrë pagesat që u takojnë, edhe pse kanë kaluar 6 muaj nga fillimi i vitit akademik.
2. METODOLOGJIA
Periudha e mbledhjes së rezultateve: 30-31 Mars 2026
Numri i përgjigjeve: 557 studentë
Pyetjet kryesore:
• A i keni dorëzuar sekretarisë të dhënat e llogarisë bankare?
• A i keni marrë lekët që ju takojnë nga bursa?
• Nëse pjesërisht, sa lekë ju janë depozituar?
3. REZULTATET E PËRGJITHSHME
Nga 557 studentët që u përgjigjën:
• 329 studentë (59.1%) – Nuk kanë marrë ASNJË pagesë
• 185 studentë (33.2%) – Kanë marrë vetëm NJË PJESË të pagesës
• 34 studentë (6.1%) – Kanë marrë pagesën e plotë
• 9 studentë (1.6%) – Pa përgjigje
Në total, 92.3% e studentëve nuk kanë marrë bursën e plotë që u takon.
Analiza sipas Universitetit (renditur sipas % të prekur):
Universiteti i Elbasanit — 96 përgjigje
• 99% të studentëve të prekur (më i larti)
• 27 (28.1%) nuk kanë marrë asnjë pagesë
• 68 (70.8%) i kanë marrë pjesërisht
• 0 studentë i kanë marrë të plota
Universiteti i Mjekësisë Tiranë — 222 përgjigje
• 98.6% të studentëve të prekur
• 218 (98.2%) nuk kanë marrë asnjë pagesë
Universiteti i Tiranës — 116 përgjigje
• 87.1% të studentëve të prekur
• 39 (33.6%) nuk kanë marrë asnjë pagesë
• 62 (53.4%) i kanë marrë pjesërisht
• 15 (12.9%) i kanë marrë të plota
Universiteti Politeknik i Tiranës — 31 përgjigje
• 83.9% të studentëve prekur
• Shumica i kanë marrë pjesërisht (74.2%)
4. DËSHMITË E STUDENTËVE
Disa nga komentet e studentëve që tregojnë këtë problematikë:
“Nuk i kemi marrë bursat që na takojnë në Universitetin e Mjekësisë që 5 muaj”
“Asnjë lek, po mbaron shkolla edhe lekët akoma s’janë hedhur”
“Nuk kam marrë as edhe një kest edhe pse kanë kaluar 6 muaj”
“Është bërë shumë problem, të gjithë studentët janë në shqetësim”
“Dua lekët se s’do presim ne deri në qershor!”
“0 lek – Njerëz të papërgjegjshëm!”
“Vetem 300 kam marrë, duhet të kisha marrë 600… ne kemi shumë shpenzime”
5. Rekomandimet
- Universitetet duhet t’u depozitojnë studentëve sa më parë fondet që u mungojnë prej më shumë se 6 muajsh;
- Universitetet duhet të shpjegojnë arsyet e vonesave dhe t’i mbajnë studentët e përditësuar mbi ecurinë e pagesave;
- Në fillim të vitit akademik, universitetet duhet të vendosin një afat të qartë dhe të përpiktë për disbursimin e fondeve;
Ky raport u përgatit nga Gevio Tabaku, PortaliStudentor.al
Data: 1 Prill 2026
Kontakt: [email protected]
