Hekuri është një metal me veti magnetike me ngjyrë gri, që vepron me acidin klorhidrik dhe formohet hidrogjen i gaztë. Squfuri është një jometal me ngjyrë të verdhë, që nuk vepron me acide. Pluhurat e këtyre dy elementeve mund të përzihen dhe të nxehen së bashku në një epruvetë. Gjatë nxehjes përzierja shkëlqen me ngjyrë të kuqe dhe vazhdon ta bëjë këtë edhe kur hiqet nga flaka e llambës Bunsen. Pasi ftohet përzierja vihet re se është prodhuar një pluhur i zi, i cili nuk është magnetik dhe vepron me acidin klorhidrik, duke dhënë një gaz me erë të keqe, sulfurin e hidrogjenit. Vrojtimet e përshkruara përdorini për t'iu përgjigjur pyetjeve të mëposhtme.

a. Tregoni tri ndryshime midis dy elementeve hekur dhe squfur.

b. Shpjegoni pse është i rëndësishëm fakti që përzierja vazhdon të shkëlqejë edhe kur ndërpritet nxehja.

c. Jepni dy prova që tregojnë se gjatë nxehjes së përzierjes është formuar një përbërje.