Ushtrimi 10

Pikëpamja moderne e strukturës së atomit buron nga eksperimentet që përdorën një burim radioaktiv, i cili emetonte grimca $\alpha$ (bërthama helium) për të goditur një fletë metalike ari.

Detektorët vrojtonin drejtimin e lëvizjes së grimcave, pasi ato kalonin nëpër fletën metalike. Skema e eksperimentit është përmbledhur në figurën 2.2.

a. Grimcat $\alpha$ janë bërthama të heliumit. Cila është përbërja e një grimce $\alpha$ dhe cila është ngarkesa e saj?

Protone:

Neutrone:

Ngarkesa:

b. Fleta e arit është metalike e ngurtë. Si janë të organizuara atomet e arit në fletën metalike?

c. Çfarë tregon fakti për strukturën e atomit, që shumica e grimcave $\alpha$ e përshkojnë fletën pa u devijuar?

d. Disa grimca $\alpha$ kthehen në drejtimin nga kanë ardhur. Në strukturën e atomit, cilën kanë goditur grimcat $\alpha$ që u kthyen? Pse u kthyen ato?