Figura 1.8 tregon demonstrimin e këtij reaksioni. Aparati (tub i mbyllur) është bërë i tillë që të dyja gazet, amoniaku dhe kloruri i hidrogjenit, të difuzojnë në drejtim të njëri-tjetrit.

Kur gazet takohen, ato formojnë një unazë tymi të bardhë të klorurit të amonit.

a. Unaza e bardhë formohet më pranë skajit ku ndodhet acidi klorhidrik. Shpjegoni përse.

b. Nëse distanca midis dy skajeve, ku janë vendosur dy copat e pambukut është 45 cm, afërsisht sa larg skajit të copës së pambukut të njomur me amoniak do të shfaqet unaza e bardhë?

Tabela 1.4 tregon formulat dhe masat molekulare për katër gaze të ndryshme.

c. Renditni katër gazet sipas shpejtësisë së difuzionit (më të shpejtin vendoseni të parin).

d. Një gaz, $G$, shpërndahet më ngadalë sesa metani, por më shpejt sesa oksigjeni. Çfarë mund të thoni për masën relative molekulare të $G$?