Një nxënëse vendosi disa kristale të permaganatit të kaliumit (VII) në fundin e një gotë, në të cilën shtoi ujë të distiluar. E la në qetësi, pa e përzier për rreth një orë. Figura 1.6 tregon çfarë ajo vuri re me kalimin e kohës. Pas një ore, nxënësja vuri re se të gjitha kristalet e ngurta ishin zhdukur dhe tretësira ishte me ngjyrë vjollcë në të gjithë vëllimin e saj.

a. Përdorni njohuritë e teorisë kinetike të grimcave për të shpjeguar dukuritë e eksperimentit të kryer. Në sqarimin tuaj mund të përdorni frazat më poshtë: sipërfaqja e kristalit; grimcat e shpërndara në të gjitha drejtimet njësoj; lëvizja e grimcave; lënda e ngurtë tretet plotësisht; shpërndahen; kristalet janë të tretshme.

b. Nëse nxënësja përdor ujë të ngrohtë në 50°C, do të vihet re ngadalësim apo shpejtim i procesit? Jepni shpjegime për përgjigjen tuaj.