Një nxënës realizoi një eksperiment në lidhje me ndryshimet e gjendjes fizike dhe shënoi në fletore të dhënat eksperimentale. Ai vendosi në një epruvetë një substancë organike kristalore, të cilën e zhyti në një gotë me ujë (banjë uji) që vlonte. Temperatura u kontrollua me ndihmën e një sensori, si në figurën 1.3.

Lëngu u lejua të ftohej, ndërsa nxënësi, me ndihmën e kompjuterit, regjistroi ndryshimet e temperaturës. Eksperimenti vazhdoi derisa u arrit temperatura e dhomës (tabela 1.3).

Në një letër milimetrike ndërtoni grafikun, ku në boshtin $X$ vendosni kohën, ndërsa në boshtin $Y$ temperaturën.