Ushtrimi 1

Galileo përdorte pulsin e zemrës së tij për përcaktimin e një intervali kohor, derisa zbuloi që lëkundja e një lavjerrësi ishte më e besueshme se pulsi i zemrës.

Në këtë ushtrim, ju duhet të jeni të aftë në matjen e pulsit në kyçin e dorës suaj. Vendosni dy gishtërinjtë e njërës dorë, lehtë, në anën e kundërt të kyçit të dorës tjetër. Shtypni lehtë në pika të ndryshme, derisa të gjeni pulsin. Në mënyrë alternative, shtypni lehtë dy gishtat nën nofull në secilën anë të qafës suaj.

Për të matur intervalet kohore në sekonda, ju nevojitet një kronometër ose një orë.

a) Filloni duke matur kohën e 10 rrahjeve (pulseve). Mbani mend të filloni numërimin nga zeroja: 0, 1, 2, 3, ...., 9, 10. Përsëriteni disa herë këtë dhe shënoni të dhënat tuaja në tabelën e mëposhtme.

b)

i. Sa shumë ndryshojnë ato?

ii. Cili është problemi: që ju e keni të vështirë matjen e saj apo ritmi i zemrës suaj ndryshon?

c) Përdorni rezultatet tuaja për të llogaritur kohën mesatare për një puls.