1. Figura tregon gjethen e barit të ranishteve, një bimë që rritet në dunat ranore të bregdetit, ku bën nxehtë dhe fryn erë. Fotografia tregon një prerje tërthore të gjethes së këtij bari të parë në mikroskop.

a. Kopjoni figurën e gjethes dhe vizatoni një vijë për të treguar drejtimin në të cilin është prerë gjethja.

b. Në foto është treguar vendndodhja e shumë gojëzave. Nëse drita është e mjaftueshme, nga gojëzat çlirohet oksigjen. i. Emërtoni procesin që prodhon oksigjenin.

ii. Cili është gazi që konsumohet gjatë këtij procesi?

iii. Emërtoni dhe përkufizoni procesin me anë të të cilit oksigjeni lëviz nga gjethja në atmosferë.

c. Avulli i ujit gjithashtu humbet nga sipërfaqja e brendshme e gjethes, kur gojëzat janë të hapura. Nisur nga figura dhe fotografia sugjeroni tri përshtatshmëri të bimës së ranishteve që shërbejnë për pakësimin e humbjes së ujit.

d. Jepni tri arsye se pse bimët kanë nevojë për ujë. e. Pse veçanërisht bimët që rriten në dunat ranore e kanë të rëndësishme pakësimin e humbjes së ujit?