VËZHGIM PËR BIMËT DHE MINERALET

Pajisja në të djathtë përdoret për vëzhgimin e ndikimit të pamjaftueshmërive minerale në rritjen e bimës. Bimët e drithërave me moshë dhe madhësi të njëjtë rriten në një seri tretësirash kulture. Një nga këto tretësira përmban, në përpjesëtimin e duhur, të gjitha mineralet e njohura ushqyese. Në çdo tretësirë tjetër mungon një prej mineraleve. Të gjitha enët vendosen në kushte të njëjta temperature, intensiteti drite dhe kohëzgjatje ndriçimi.

1. Pse mbulohen enët me letër të zezë?

2. Një gjyp sjell te rrënjët fluska ajri të pasura me oksigjen. Pse është i rëndësishëm oksigjeni për kapjen e mineraleve nga rrënjët?

3. Cila është ndryshorja e pavarur dhe ajo e varur në këtë eksperiment?

4. Sugjeroni disa ndryshore të fiksuara dhe tregoni si do të arrini t'i kontrolloni ato.

5. Për realizimin e këtij vëzhgimi mund të përdoren bimë, si ato të familjes së gramit, sepse nga e njëjta tufë mund të merren bimë të njëjta. Pse është e rëndësishme kjo zgjedhje për përfitimin e rezultateve të besueshme?

6. Ushqyesit bimorë të përdorur në këtë vëzhgim janë kripëra. Si mund të përgatitni një tretësirë kulture, në të cilën do të mungonte vetëm një element?