Ushtrimi 5

Një kërkues shkencor vuri re se disa bimë nuk shqetësoheshin kurrë nga insektet. Ai donte të dinte nëse këto bimë përmbanin ndonjë lloj insekticidi natyral. Ai i bloi bimët për të mbledhur insekticidin natyral që mendonte se ishte i tretshëm në ujë.

a. Përshkruani një teknikë që përdori kërkuesi për të ndarë insekticidin e tretur nga mbetjet e bluara të bimës. Ai mendonte se lëngu mund t'i vriste insektet, ndaj vendosi të provonte nëse spërkatja me një vëllim më të madh të lëngut do të mund të vriste më shumë insekte.

b. Sugjeroni cila mund të ishte hipoteza e tij dhe çfarë parashikimi mund të bënte.

Për të kryer këtë eksperiment, kërkuesi dhe ekipi i tij përgatitën përqendrime të ndryshme të insekticidit natyral, pastaj e spërkatën mbi një seri bimësh. Çdo bimë e përzgjedhur përmbante 100 afide (morra bimësh). Ekipi i mbajti bimët në të njëjtin mjedis dhe më pas numëroi sa afide kishin mbijetuar pas 24-orësh.

c. Emërtoni ndryshoren e pavarur në këtë eksperiment.

d. Emërtoni ndryshoren e varur.

e. Shpjegoni pse ekipi i kërkuesve besoi se rezultatet ishin të vlefshme.

Tabela më poshtë tregon rezultatet e arritura.

f. Vizatoni një grafik duke u nisur nga rezultatet e tabelës.

g. Shënoni përqendrimin e insekticidit që është i nevojshëm për të vrarë 50% të afideve.

h. Shpjegoni nëse rezultatet e mbështesin parashikimin fillestar të bërë nga kërkuesi.