Përdorni informacionet vijuese për t'iu përgjigjur pyetjeve të pikave nga a në d.

Cepaea është një lloj kërmilli tipik, që shfaq një variacion të konsiderueshëm për ngjyrën e guaskës. Ngjyra bazë mund të jetë e verdhë, kafe, rozë, gri në të verdhë, portokalli dhe e kuqe. Mbi këto ngjyra bazë, rrotull guaskës ka pesë shirita me ngjyrë të errët. Ngjyrat e guaskës krijojnë maskim për kërmillin, meqenëse disa prej këtyre ngjyrave janë më pak të dukshme në raport me mjedisin. Kërmilli *Cepaea* është pjesë e dietës ushqimore të një lloj trumcaku. Pasi e kapin kërmillin, ata e përplasin në një gur që të thyejnë guaskën. Këta trumcakë, pavarësisht nga mjedisi, përdorin të njëjtin lloj guri si kudhër për thyerjen e guaskave. Në këto vende mund të mblidhen lehtë mbetjet e guaskave dhe të numërojmë llojet e tyre sipas ngjyrave. Megjithatë, nuk është e vështirë të grumbullohen kërmij të gjallë në të njëjtën zonë dhe të numërojmë përsëri llojet e guaskave. Koleksioni i guaskave të kërmijve të gjallë ose të mbetjeve të guaskave tregon se ngjyrat e tyre janë diktuar nga një mjedis që ka ngjyrë gri në të verdhë. Rezultatet e përftuara janë hedhur në një tabelë.

a. Sa herë më i madh është numri i guaskave pa shirita në krahasim me ato me shirita?

b. Sugjeroni një shpjegim se pse trumcakët konsumojnë më shumë kërmij me shirita, megjithëse në popullatë ka më shumë kërmij pa shirita.

c. Cilën lloj guaske, me ose pa shirita, prisni të gjeni më shumë në popullatën e kërmijve të gjallë:

i. mes gjetheve të kalbura të një druri;

ii. mes bimëve barishtore të një dune rëre?

d. Pikat kryesore të teorisë së evolucionit janë listuar më poshtë.

A. Numri i të sapolindurve është shumë më i madh se numri i të mbijetuarve në fazën e rritur.

B. Mes të sapolindurve ekziston një variacion.

C. Disa variacione janë të dobishme dhe i ndihmojnë organizmat për të mbijetuar.

D. Mes pasardhësve shfaqet gara.

E. Vetëm të mbijetuarit mund të çiftohen.

Përzgjedhja natyrore mund të ndryshojë përpjesëtimin e ngjyrave të ndryshme në një popullatë kërmijsh. Përdorni pesë pikat e sipërme, nga A në E, për të përshkruar se si ka ndodhur ky ndryshim.